လက်နက်ကိုင် ပဋိပက္ခကြား အရပ်သားတွေ ကာကွယ်ဖို့ HRW တောင်းဆို

VOA

HRW က ဒါမျိုးကျတော့ မြင်တတ်သားဘဲ။ ရွာမီးရှို့၊ ပေါ်တာဆွဲ၊ လုပ်အားပေးခေါ်၊ မုဒိန်းကျင့် ခံရတာတွေကျတော့ လူ့အခွင့်အရေးမချိုးဖောက်ဘူးတဲ့လား။

ထိုင်း၊ မြန်မာ နယ်စပ်အနီး ကရင်ပြည်နယ်ထဲမှာ မြန်မာစစ်အစိုးရ တပ်ဖွဲ့တွေနဲ့ နယ်ခြားစောင့်တပ် ဖွဲ့စည်းရေးကို လက်မခံတဲ့ DKBA ခေါ် တိုးတက်သော ကရင်ဗုဒ္ဓဘာသာ တပ်ဖွဲ့တွေအကြား ပြီးခဲ့တဲ့လကစလို့ တိုက်ပွဲတွေ ဖြစ်ပွားနေတာမှာ နှစ်ဘက်စလုံးက အရပ်သား ပြည်သူတွေရဲ့ လုံခြုံရေးကို ထည့်မတွက်ခဲ့ကြဘူးလို့ လူ့အခွင့်အရေးတွေကို စောင့်ကြည့်လေ့လာ မှတ်တမ်းတင်နေတဲ့ Human Rights Watch အဖွဲ့က ပြောပါတယ်။ အထူးသဖြင့် ပြည်သူတွေဟာ အစိုးရတပ်တွေရဲ့ အတင်းအဓမ္မ လုပ်အားပေး ခိုင်းစေမှုနဲ့ ပေါ်တာဆွဲခံရမယ့် အရေးကို စိုးရိမ်နေရတဲ့အကြောင်း စနေနေ့က ထုတ်ပြန်တဲ့ အစီရင်ခံစာထဲမှာ ဖော်ပြထားပါတယ်။ နှစ်ဘက်လုံးက အပြန်အလှန် ပစ်ခတ်မှုတွေကြားမှာ အပြစ်မဲ့ ရွာသူရွာသားတွေနဲ့ သူတို့ရဲ့ နေအိမ်တွေပါ ပျက်စီးဆုံးရှုံးခဲ့ရတာကိုလည်း မျက်မြင် ကြုံတွေ့ခဲ့ရသူတွေရဲ့ ပြောဆိုချက်တွေကို ဒီအစီရင်ခံစာထဲမှာ ထည့်သွင်းထားပါတယ်။ အပြည့်အစုံကို ဆက်သွယ်စုံစမ်းထားတဲ့ မခင်ဖြူထွေးက တင်ပြပေးထားပါတယ်။

ကရင်ပြည်နယ်မှာ လက်ရှိ ဖြစ်ပွားနေတဲ့ မြန်မာစစ်အစိုးရ တပ်တွေနဲ့ DKBA တပ်ဖွဲ့တွေကြားက စစ်ပွဲတွေမှာ အရပ်သား ထိခိုက်မှုကို ရှောင်ရှားနိုင်မယ့် နည်းလမ်းတွေကို နှစ်ဘက်စလုံးက မကြိုးစားခဲ့သလို အရပ်သား ပြည်သူတွေရဲ့ နေအိမ်တွေ အတော်များများ ပစ်ခတ် ဖျက်ဆီးခံခဲ့ရပြီး နိုဝင်ဘာလကတည်းကစလို့ ထိုင်းနိုင်ငံဘက်ခြမ်းကို ထွက်ပြေးလာရတဲ့ ဒုက္ခသည်ဦးရေဟာ ၂၀,၀၀၀ ကျော်အထိ ရှိခဲ့တယ်လို့ လူ့အခွင့်အရေး စောင့်ကြည့်ရေးအဖွဲ့ Human Rights Watch က ပြောပါတယ်။ ဒါ့အပြင် နှစ်ဘက်စလုံးက အထူးသဖြင့်တော့ မြန်မာစစ်အစိုးရဘက်က စစ်တပ်အတွက် ရွာသားတွေကို ပေါ်တာဆွဲဖို့ ကြိုးစားတာတွေ ရှိနေတဲ့အတွက် ရွာသားတွေ ထွက်ပြေးနေတယ်လို့ ဆိုပါတယ်။

အခုလို အခြေအနေတွေဟာ စစ်ပွဲတွေဖြစ်ရင်တောင် အရပ်သားတွေကို အကာအကွယ် ပေးရမယ်ဆိုတဲ့ နိုင်ငံတကာ ဥပဒေကို ချိုးဖောက်တာ ဖြစ်တယ်လို့ လူ့အခွင့်အရေး စောင့်ကြည့်ရေးအဖွဲ့ရဲ့ အာရှရေးရာ ညွှန်ကြားရေးမှူး ဆိုဖီ ရစ်ချတ်ဒ်စန် (Sophie Richardson) က ပြောပါတယ်။