ကချင်ပြည်နယ် မန်မော် (ဗန်းမော်)ခရိုင် အင်မောက် (မိုးမောက်)မြို့နယ်အတွင်း ကချင်လွတ်မြောက်ရေးတပ်ဖွဲ့ (KIA)နှင့် ယနေ့ တစ်နေကုန်ဖြစ်သောတိုက်ပွဲတွင် မြန်မာအစိုးရစစ်သား ၆၀ ကျော် ကျဆုံးကြောင်း KIA အရာရှိများ ဆိုသည်။
KIA တပ်မဟာ ၃ အောက် တပ်ရင်း ၁၅ နယ်မြေ ဂေါ်ရီကရုန် မရူယိန်းစုန်း (Gauri Krung Maru Ying Sung) သို့ အင်အား ၁၀၀ ကျော် မြန်မာစစ်ကြောင်းမှ ထိုးဖောက်ဝင်ရောက်လာစဉ် နှစ်ဘက်တိုက်ပွဲ ဖြစ်လာပြီး အစိုးရတပ်ဘက် အကျဆုံးများခြင်းဖြစ်သည်ဟု KIA စစ်အရာရှိများ ကချင်သတင်းဌာန သို့ ပြောပါသည်။
မနက် ၈ နာရီတွင် တိုက်ပွဲစတင်ပြီး ညနေ ၆ နာရီဝန်းကျင်တွင် အဆုံးသတ်ပြီးနောက် အစိုးရစစ်သား ၃၀ ကျော်အား ကချင်တပ်များ ၀ိုင်းထားလိုက်သည်ဟု ရှေ့တန်းသတင်းရပ်ကွက်က ဆိုသည်။
အစိုးရထိုးစစ်အား KIA တပ်မဟာ ၃ နှင့် ၎င်း၏ အရပ်သားတပ်ဖွဲ့ စုပေါင်းအင်အားစုမှ အောင်မြင်စွာ ခုံခံနိုင်ခဲ့ခြင်းလည်း ဖြစ်သည်ဟု ရှေ့တန်းတွင်ရောက်ရှိနေသော ကချင်သတင်းဌာန သတင်းထောက်က ဆိုသည်။
တိုက်ပွဲတွင် KIA ဘက် အကျအဆုံး မရှိကြောင်း KIA အထက် အရာရှိများ ပြောသည်။
ယခုတိုက်ပွဲနေရာတွင် တရုတ်ကုမ္ပဏီမှ ဆောက်လုပ်သော တာခေါ်ခ (တာပိန်)မြစ် ရေအားလျှပ်စစ် စီမံကိန်း ၂ ခု တည်ရှိပြီး မြန်မာစစ်တပ်မှ KIA အား ပြီးခဲ့သည့် ဇွန်လ စတင်တိုက်ခိုက်ခဲ့သည့် နေရာလည်းဖြစ်သည်။
မြန်မာအစိုးရက ရေကာတာ လုံခြုံရေးပေးရန်ခေါင်းစဉ်ဖြင့် KIA အား တိုက်ခိုက်ခြင်းဖြစ်သည်ဟု ဆိုထားသော်လည်း KIA က ပယ်ချထားသည်။ ယင်းစီမံကိန်းသို့ မြန်မာစစ်သားများ တိုးချထားခြင်းသည် KIA တပ်မဟာ ၃ (မန်မော် အရှေ့ဘက်)နှင့် ၄ (ရှမ်းပြည်မြောက်ပိုင်း) တို့အား ၎င်း၏ ဗဟိုဌာနချုပ် လိုင်ဇာနှင့် ဆက်သွယ်ရေး ဖြတ်တောက်ရန် ရည်ရွယ်ခြင်းသာဖြစ်သည်ဟု KIA ဆိုထားသည်။
တာပိန် ရေကာတာစီမံကိန်းသည် KIA တပ်ရင်း ၁၅ နယ်မြေတွင်တည်ရှိပြီး KIA ၏ ခွင့်ပြုချက်အရ စီမံကိန်းအား တရုတ်ကုမ္ပဏီ China Datang Corporation (CDT)မှ တာဝန်ယူ ဆောက်လုပ်ခြင်းဖြစ်သည်။
စောဘဦးကြီး၏သစ္စာလေးရပ် For us surrender is out of question.(လက်နက်ချအညံ့ခံခြင်း အလျှင်းမပြောရ) We shall retain our arm.(ကရင့်လက်နက် ကရင်တွေကိုင်ထားရမယ်) The recognition of Karen State must be complete)(ကရင်ပြည် အသိအမှတ်ပြုခြင်းနှင့် ပြီးပြည့်စုံရမည်)We shall decide our own political destiny.(ကရင့်ကျမ္မာ ကရင်ဖန်တီးပိုင်ခွင့်ရှိရမည်)။
0 kommentarer:
Post a Comment