"ခင်မင်သူ၏ အသက်မပြည့်သူ သမီးကို သွေးဆောင်ဖျားယောင်း ပြည့်တန်ဆာ လုပ်ခိုင်းသည့် ယုတ်မာပက်စက်သူ အမျိုးသမီးကို သက်ဆိုင်ရာမှ လိုက်လံဖမ်းဆီး

ပြည်တွင်းသတင်နော်

မိခင်ဖြစ်သူ အလုပ်လုပ်ရာသို့ လိုက်ပါလာသော အသက် ၁၄ နှစ်အရွယ် မိန်းကလေးတစ်ဦးအား ခင်မင်ရင်းနှီးသူ အမျိုးသမီး တစ်ဦးမှ ခေါ်ဆောင်သွားပြီး ၄င်း၏ ခင်ပွန်းက သားမယားအဖြစ် ပြုကျင့်ခဲ့သလို အမျိုးသား ၃ ဦးနှင့် ထည့်ပေးလိုက်ပြီး ပြည့်တန်ဆာ လုပ်စေ၍ ပိုက်ဆံယူခဲ့သည့် မှုခင်းတစ်ခု လွန်ခဲ့သော ဇွန်လက ရန်ကုန်တိုင်းဒေသကြီး၊ ဒလမြို့နယ်၌ ဖြစ်ပွားခဲ့ပြီး ကာယကံရှင် မိန်းကလေး၏ ဖွင့်ဟပြောဆိုမှုကြောင့် သြဂုတ်လဆန်းပိုင်း၌ ပေါ်ပေါက်ခဲ့ကြောင်း ကြားသိရသည်။

ဖြစ်ပွားပုံ အကျဉ်းမှာ ဒေါပုံမြို့နယ်နေ အမျိုးသမီးတစ်ဦးသည် ပန်းဘဲတန်းမြို့နယ်ရှိ နေအိမ်တစ်ခုသို့ လာရောက်၍ အ၀တ်လျော်နေသူ ဖြစ်ပြီး ထိုနေ့က သမီးဖြစ်သူကိုပါ ခေါ်ဆောင်လာခဲ့ကြောင်း၊ မိခင်ဖြစ်သူ အ၀တ်လျှော်နေသည့် အိမ်၏ အပြင်၌ သမီးဖြစ်သူ ရှိနေခဲ့ကြောင်း၊ ည ၉ နာရီခန့် အိမ်ပြန်ခါနီးမှ သမီးဖြစ်သူကို မတွေ့သဖြင့် စုံစမ်းကြည့်ရာ ၄င်းတို့နှင့် ရင်းနှီးသူ ဒလမြို့နယ်နေ ဒေါ်နှင်းဆီနှင့် အခြားသူ ၃ ဦးတို့မှ ခေါ်သွားကြောင်း သိရပြီး ပြန်လာခဲ့ကြောင်း၊ နောက်တစ်နေ့ မနက်၌ မိခင်ဖြစ်သူက ဒေါ်နှင်းဆီအိမ်သို့ သွားရောက် ခေါ်ဆောင်ခဲ့သော်လည်း မတွေ့ဘဲ ပြန်လာခဲ့ရကြောင်း၊ နောက်တစ်နေ့မနက်တွင်မှ သမီးဖြစ်သူကို လသာမြို့နယ် တရုတ်ဘုံကျောင်းရှေ့မှ ပြန်လည်တွေ့ရှိခဲ့ကြောင်း သိရှိရသည်။

သြဂုတ်လ ပထမပတ်အတွင်းတွင် သမီးဖြစ်သူ ဓမ္မတာ မလာသဖြင့် မိခင်ဖြစ်သူမှ မေးမြန်းကြည့်ရာမှ ထိုနေ့က ဒေါ်နှင်းဆီက ခေါ်ဆောင်သွားပြီး ဒေါ်နှင်းဆီ၏ ခင်ပွန်း ဦးကြင်အေးမှ သူမအား သားမယားအဖြစ် ၃ ကြိမ်ဆက်ဆံခဲ့ကြောင်း၊ နောက်တစ်နေ့တွင် ဒလမြို့နယ်၊ ကမာဆစ်ရပ်ကွက်ရှိ အမျိုးသမီးတစ်ဦး၏ အိမ်သို့ ပို့ပေးခဲ့ပြီး ညဖက်တွင် အဆိုပါ အမည်မသိ အမျိုးသမီးက ငွေကျပ် ၇၀၀၀ ကို ရယူကာ သူမကို အမျိုးသား ၃ ဦးနှင့် ထည့်ပေးလိုက်ကြောင်း၊ အဆိုပါ အမျိုးသား ၃ ဦးက လူပြတ်သော တစ်နေရာ၌ သူမကို သားမယားအဖြစ် ၀ိုင်းဝန်းပြုကျင့်ခဲ့ကြကြောင်း သမီးဖြစ်သူက ဖွင့်ပြောခဲ့သည်။

ထို့ကြောင့် မိခင်ဖြစ်သူမှ ဒလမြို့နယ် ရဲစခန်းသို့တိုင်ကြားခဲ့ရာ ဒလမြို့နယ် ရဲစခန်းမှ (ပ)၄၃၆/၁၁ ပုဒ်မ ၃၇၂/၁၁၄ တို့ဖြင့် အမှုဖွင့်ကာ တရားခံများကို ဖမ်းဆီးရမိရေး ကြိုးစားနေကြောင်း သတင်းရရှိသည်။