ကရင်လူမျိုးများထံ အိပ်ဖွင့်ပေးစာ

သို့……
အယ်ဒီတာထံမှတဆင့်
ကိုယ့်ရပ်ကိုယ့်မြေမှာ မှီတင်းနေထိုင်ကြတဲ့ကရင်လူမျိုးများနဲ့ နိုင်ငံတကာသို့ ရောက်ရှိနေကြသော ကရင်လူမျိုးများထံ အိပ်ဖွင့်ပေးစာတစ်စောင်ကို ရိုသေလေးစားစွာဖြင့် ကျနော်စာရေးလိုက်ပါတယ်။
ကျနော်ရဲ့ပညာအရည်အချင်း မပြည့်စုံသော်လည်း စစ်မှန်တဲ့ မေတ္တာသဘောထားခံယူချက် ပြင်းပြသောစိတ်ဓာတ်ရှိလို့ အောက်ဖေါ်ပြပါအကြောင်းအရာများနဲ့ ပတ်သက်ပြီး ကျနော်ဖော်ပြလိုပါတယ်။
ကရင်အမျိုးသားခေါင်းဆောင် စောဘဦးကြီးဟာ ကရင့်တော်လှန်ရေးခရီးအတွက် မူလေးချက်ကို ချမှတ်ပေးခဲ့ပါတယ်။အဲ့ဒီမူလေးချက်ကတော့…..

၁။ကရင့်လက်နက်ချစကား အလျဉ်းမပြောရ၊
၂။ကရင့်လက်နက် ကရင့်လက်ထဲ ရှိရမည်၊
၃။ကရင့်နယ်မြေအသိအမှတ်ပြုခြင်း ပြီးပြည့်စုံစေရမည်၊
၎။ကရင့်ကံကြမ္မာ ကရင်ဖန်တီးရရှိရမည်။


အဆိုပါ မူကြီးလေးချက်သည် ကျနော်တို့ ကရင်လူမျိုးအတွက် အင်မတန်မှ အရေးကြီးလှပါတယ်။ အသက်စွန့်တိုက်ပွဲဝင်ခဲ့ပြီး တမလွန်ဘ၀သို့ ရောက်ရှိသွားရှာတဲ့ အမျိုးသားခေါင်းဆောင် စောဘဦးကြီးနဲ့တကွ ကရင်လူမျိုးများအတွက်ဖြစ်စေ၊ ယခုမျက်မှောက် အသက်ရှည်နေထိုင်ကြတဲ့ ကရင်လူမျိုးများအတွက်ဖြစ်စေ၊ အနာဂတ်မွေးဖွါးလာမယ့် ကရင့်ရင်သွေးငယ်များအတွက်ဖြစ်စေ အင်မတန်အရေးပါလှပါတယ်။အဲ့ဒီမူလေးချက်ဟာ အချုပ်အချာအာဏာ တည်တံ့ခိုင်မြဲရေးနှင့် ကရင်လူမျိုးများ၏ ဘ၀လုံခြုံရေးအတွက် ဖြစ်စေပြီး အလွန်ပင်တန်ဖိုးရှိသော စကား၊ အလွန်ပင် မှတ်သားဖွယ်ကောင်းသော သမိုင်းဝင်စကား၊ ကရင်တမျိုးသားလုံးအတွက် အလွန်ပင်အရေးကြီးသည့် မူလေးချက်ပင်ဖြစ်ပါတယ်။


KNU ကရင်အမျိုးသားအစည်းအရုံး အဓိပ္ပါယ်ဖွင့်ဆိုချက်…
၎င်းအဓိပ္ပါယ်ဖွင့်ဆိုချက်ဟာ ကျနော်တို့ ကရင်အမျိုးသမီးများရဲ့ဝမ်းတွင်း ပဋိသန္ဒေ တည်တဲ့အချိန်ကစပြီး ၎င်းတို့ရဲ့ ရင်သွေးငယ်မှအစ ကေအင်န်ယူ ကရင့်အမျိုးသား အစည်းအရုံးနှင့် လုံးဝပတ်သက်နေကြောင်း၊
ထို့အပြင် ကျနော်အဓိက ပြောဆိုချင်တဲ့အချက်က ကျနော်တို့ ကရင်တော်လှန်ရေးဟာ အနှစ်(၆၀)ကျော်ပြီး ဖြစ်ပါတယ်။


၎င်းအခြေအနေများအပေါ် အားလုံးသိရှိကြရမည်ဖြစ်ကြောင်း၊ယခုချိန်မှာ ကျနော်တို့ ကရင်လူမျိုးများ ကမ္ဘာပေါ်ရှိ အနယ်နယ်အရပ်ရပ်သို့ ရောက်ရှိနေထိုင်ကြပြီး ဖြစ်ပါတယ်။ဒါပေမယ့် ပညာသင်ယူပြီး ဘွဲ့ပေါင်းများစွာ ဆွတ်ခူးစေကာမူ ကိုယ်ပိုင်နိုင်ငံမရှိသော လူမျိုးတမျိုးဟာ အခြားသောလူမျိုးတို့ရဲ့ အထင်သေးမှု ဖိနှိပ်မှု ခံနေရစမြဲပင် ဖြစ်ပါတယ်။


အထက်ဖော်ပြထားသည့်အတိုင်း ယခုလက်ရှိအချိန်မှာ ကရင်လူမျိုးများအပေါ် အမြဲကောက်ကျစ်မှု နည်းပညာမျိုးစုံ၊ လိမ်ညာလှည့်ဖျားမှု အမျိုးမျိုးနဲ့ ကျူပင်ခုတ် ကျူငုတ်မကျန် ဆိုတဲ့စီမံကိန်း စနစ်ဆိုးနဲ့ ကရင်လူမျိုးတွေကို အမျိုးမျိုး အမျိုးဖြုတ်ဖို့ အမြဲတမ်း ကြိုးစားခဲ့ပါတယ်။ကမ္ဘာ့ရန်သူ မဟာဗမာဝါဒီနယ်ချဲ့တိုက်ဖျက်စနစ်ဆိုးရဲ့ ကျော့ကွင်းထဲသို့ မရောက်ကြစေရန်နဲ့ မဟာဗမာဝါဒီ ဖက်ဆစ်စနစ်ဆိုးတို့ရဲ့ ကျော့ကွင်းထဲတွင် မိနေတဲ့ ကရင်ညီအစ်ကိုမောင်နှမများ ရှိပါတယ်။ဒါကြောင့် မိမိတို့ဘ၀အသက်ရှည်ချိန်ပျက်စီးခြင်းမရောက်ခင် ရုန်းကန်လှုပ်ရှား တိုက်ထုတ်ကြပါ။


နိဂုံးချုပ်အနေဖြင့် ကရင်အမျိုးသားအချင်းချင်း အမျိုးဘာသာ၊ သာသနာကြား အထင်လွဲမှုတွေ၊အထင်သေးမှုတွေ၊ အမြင်မကြည်လင်မှုတွေကို ဘေးချိတ်သင့်ပါပြီ။ ကရင်အချင်းချင်း၊ ကျောသားရင်သား အခွဲခြားဘဲ တစ်ဦးနှင့်တစ်ဦး နားလည်မှု သဘောထားကြီးစွာ ထားရှိကြဖို့နဲ့ အေးအတူပူအမျှ အတွေးသစ်အမြင်သစ်များ မွေးဖွါးဖို့ အချိန်တန်ပါပြီ။ ကရင်အမျိုးသားထုထံက ကိုယ့်နိုင်ငံ၊ကိုယ့်လူမျိုး၊ ကိုယ့်ကံကြမ္မာ၊ ကိုယ့်အချုပ်အချာအာဏာ၊ ကိုယ်တိုင်ဖန်တီးခွင့် ရရှိရေးအတွက် မျိုးချစ်တော်လှန်ရေး သူရဲကောင်းဓားကို ကိုင်စွဲထားကြစို့။

ဒီနေ့ဒီအချိန်အခါ ကျနော်တို့ ကရင်လူမျိုးများအတွက် အလွန်ပင် အရေးကြီးသည့် အချိန်ဖြစ်နေသည့်အတွက် အရေးကြီး သွေးနီးကြပါစို့…..တိုက်တွန်းပြောဆိုလိုက်ရပါသည်။
ခေတ္တ-နော်ဝေး
မိင်လး