“ ဒဏ်ရာတချို့နဲ့အသိ ”

http://pyichittharmaung.blogspot.com/မှကူးယူဖေါ်ပြပါသည်။

ဒဏ္ဍာရီထဲကနေ့တွေ

ရက်စွဲကျော်ကာရေးမှတ်ခဲ့ပေမယ့်

ဘ၀တသက်တာမှတ်တမ်းပေမို့

တိုက်ဆိုင်မှုတွေကြုံတိုင်း

သတိရနေဆဲ ငါ့မှာအမြဲ --- ။

နှစ်လများစွာကျော်လွန်ခဲ့လို့

တချို့သောအရာတွေ

ပြောင်းလဲသစ်လွင်သွားခဲ့လည်း

ဒဏ်ရာတွေနဲ့ရေးခြစ်ခဲ့တဲ့

စာသားတွေကတော့အရင်အတိုင်းပဲ --- ။

တနေ့သော်ဖြစ်လာလိမ့်နိုးနဲ့

တတ်စွမ်းသမျှကြိုးစားရုန်းကန်ရင်း

အသိတရားတချို့ရရှိလာခဲ့ပေမယ့်

မိစ္ဆာတို့ရဲ့လှည့်ဖျားဖိနှိပ်မှုအောက်မှာ

အနာတရနဲ့ဒဏ်ရာတွေကတော့

ပိုတိုးပိုဆိုးလို့သာလာခဲ့တယ် --- ။

လက်တဆုပ်စာလူတစုနဲ့

မျက်ကန်းနောက်လိုက်တချို့လောက်သာ

ကောင်းစားဖို့အတွက်သာပရိယာယ်ဆင်ကာလုပ်နေတဲ့

ထုတ်ပြန်ကြေငြာချက်ရဲ့နောက်ကွယ်က

အကျိုးစီးပွားတွေကိုသိနေတော့လည်း

သွေးချင်းညီသူတွေလက်တွဲ

အရိပ်မိုးခံနေရသူတွေကိုအလင်းပြ

ပြည်သူ့အင်အားလှုပ်ရှားမှုနဲ့ပဲ

စနစ်သစ်တခုကိုပြောင်းယူရမယ် --- ။

                ဇာနည်မောင်