နယ်ကျော်ဝင်ရောက်လာသည့် မြန်မာတပ်အား KIA စတင်ဟန့်တားပစ်ခတ်

http://kachinnews.com/burmese/2

တနင်္လာနေ့ မြန်မာပြည်မြောက်ပိုင်း ကချင်ပြည်နယ်တွင် မြန်မာစစ်အစိုးရတပ်ဖွဲ့အား ကချင်လွတ်မြောက်ရေးတပ်ဖွဲ့ (KIA) မှ ပထမဆုံး ဟန့်တားပစ်ခတ်လိုက်ခြင်းသည် နှစ်ဖက်ကြား ၁၇ နှစ်ကြာ အပစ်အခတ်ရပ်ဆိုင်းထားခြင်းအား အဆုံးသတ်စေခဲ့သည်။

မန်မော် (ဗန်းမော်)

ကချင်ပြည်နယ် ရှေ့တန်းတနေရာတွင် တွေ့ရတဲ့ KIA စစ်သားတစ်ဦး။ ဓါတ်ပုံ - ကချင်သတင်းဌာန

အရှေ့တောင်ဘက် မန်ဝင်းမြို့နယ်၊ ပုန်းလိမ် ဒုံခရွန်းဧရိယာတွင် ဒေသစံတော်ချိန် နံနက် ၁၀ ခွဲခန့် ဗိုလ်မှူး ယော်ထုန် ဦးဆောင်သော KIA တပ်ရင်း ၂၇ က ၎င်းတို့ကန့်သတ်ထားသည့် ထိုနယ်မြေသို့ နယ်ကျော် ၀င်ရောက်လာသည့် မိုးညှင်းအခြေစိုက် ခလရ (၁၅) မော်တော်ယာဉ်တစ်စင်းအား ပစ်ခတ်ခဲ့ကြောင်း KIA အရာရှိများပြောသည်။

တိုက်ခိုက်မှုကြောင့် တပ်ရင်းမှူး ဒုဗိုလ်မှူးကြီး ယဉ်ထွေးကျဆုံးပြီး တပ်ဆေးဆရာဝန် အပါအ၀င် မြန်မာစစ်သား ၇ ဦးပါ ဒဏ်ရာရရှိကြောင်း KIA က သိရသည်။ ဒဏ်ရာရရှိသူများတွင် တပ်ရင်းဆရာဝန်မှာ ပြင်းထန်ကြောင်း သိရသည်။

ပစ်ခတ်မှုများ ညနေ ၆ တွင် ပြန်လည်ဖြစ်ပွားကြောင်း KIA က ပြောသည်။

မြန်မာတပ်ရင်း ၂ ခု ဖြစ်သည့် မြစ်ကြီးနားအခြေစိုက် ခလရ (၂၁) နှင့် မန်ဂျေ (မန်စီ) အခြေစိုက် ခမရ (၃၁၇) တို့သည် တိုက်ပွဲဖြစ်ပွားပြီးနောက် တပ်ကူရောက်လာကြကြောင်း KIA မှ သိရသည်။

ကချင်လွတ်မြောက်ရေးအဖွဲ့ (KIO) က ၁၉၆၃ ခုနှစ်ကတည်းက လူများစု ဗမာနိုင်ငံရေးသမားများဦးစီးသော မြန်မာအစိုးရအဆက်ဆက်နှင့် နှစ်ဖက်နိုင်ငံရေးပြဿနာအား ငြိမ်းချမ်းသောနည်းဖြင့် ဆွေနွေးဖြေရှင်းရန် ကြိုးပမ်းခဲ့သော်လည်း အစိုးရမှ ယခုချိန်ထိပယ်ချထားဆဲဖြစ်သည်။

KIO သည် မကြာခင်က ထိုင်း-မြန်မာနယ်စပ်တွင်ဖွဲ့စည်းခဲ့သည့် နိုင်ငံရေး၊ စစ်ရေးမဟာမိတ်အဖွဲ့ “အရေးပေါ်ပြည်ထောင်စုကော်မတီ (Committee for Emergence of a Federal Union)” ၏ ခေါင်းဆောင်လည်း ဖြစ်သည်။

ယခုချိန်ထိ CEFU တွင် ကချင်လွတ်မြောက်ရေးအဖွဲ့ (KIO)၊ ကရင်အမျိုးသားအစည်းအရုံး (KNU)၊ ကရင်နီအမျိုးသား တိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည်တပ်မတော် (မြောက်ပိုင်း) (SSA-N) နှင့် ချင်းအမျိုးသားတပ်ဦး (CNF) တို့ ပါဝင်သည်။